SEÇİCİLƏRLƏ İŞ ÜZRƏ
MİLLİ MƏCLİSİN İCLASLARI
BEYNƏLXALQ FƏALİYYƏT
GƏNCLƏRLƏ İŞ ÜZRƏ
SOSİAL-İCTİMAİ MƏSƏLƏLƏR
DÖVLƏT QURUMLARI İLƏ ƏMƏKDAŞLIQ
MEDİA
Azərbaycan–Aİ münasibətlərində enerji təhlükəsizliyi və strateji tərəfdaşlıq mərhələsi
Prezident İlham Əliyevin martın 11-də Avropa İttifaqı Şurasının Prezidenti Antonio Koşta ilə görüşü zamanı səsləndirdiyi fikirlər Azərbaycanın Avropanın enerji xəritəsindəki həlledici rolunu bir daha təsdiqləyir. Dövlət başçısının vurğuladığı kimi, ölkəmiz artıq 10-u Avropa İttifaqı üzvü olmaqla, ümumilikdə 16 ölkəyə təbii qaz ixrac edir.
Deputat Kamal Cəfərovun mövqeyinə görə bu rəqəmlər Azərbaycanın qitənin enerji təhlükəsizliyinin əsas qarantlarından birinə çevrildiyini göstərir. Xüsusilə diqqət çəkən məqam ondan ibarətdir ki, tərəfdaşlıq artıq ənənəvi yanacaq çərçivəsindən çıxaraq yaşıl enerji müstəvisinə keçid edir. Prezidentin bərpaolunan enerji sahəsindəki böyük potensialı və 6-8 giqavatlıq ixrac gücü hədəfini xüsusi qeyd etməsi Bakının qlobal trendləri idarə edən strateji baxışını nümayiş etdirir.
Bu kontekstdə bugünkü milli maraqlara söykənən uzaqgörən enerji siyasəti AXC-Müsavat dövrünün səriştəsiz və xaotik idarəçiliyindən köklü şəkildə fərqlənir. O dövrdə dövlətin zəngin resurslarını xalqın rifahı və beynəlxalq nüfuz üçün istifadə etmək bacarığı olmayanların əksinə, bu gün Azərbaycan Avropa bazarlarında əsas tərəf kimi çıxış edir.
Kamal Cəfərov hesab edir ki, həm ticarət dövriyyəsinin 50 faizinin Aİ ilə bağlı olması, həm də qarşılıqlı investisiya qoyuluşları Azərbaycanın iqtisadi suverenliyini möhkəmləndirən ən mühüm amillərdir. Bu əməkdaşlıq modeli gələcəkdə yeni nəqliyyat və enerji dəhlizlərinin açılması üçün sarsılmaz zəmin yaradır.
